(•۝• ѴƲ cℓʋв •۝•) قبر ِاقبال سے صدا

قبر ِاقبال سے صدا   شہر ماتم تھا اقبال کا مقبرہ                 تھے عدم کے مسافر بھی آئے ہوئے         خون میں لت پت کھڑے تھے لیاقت علی  روح قائد بھی سر کو جھکائے ہوئے          کہہ رہے تھے سبھی کیا غضب ہوگیا یہ تصور تو ہرگز ہمارا نہیں   سرنگوں تھا قبر پہ مینار وطن         کہہ رہا تھا کہ اے تاجدار وطن آج کے نوجواں کو بھلا کیا خبر       کیسے قائم ہوا یہ حصارِ وطن جس کی خاطر کٹے قوم کے مرد و زن ان کی تصویر ہے یہ مینارا نہیں   کچھ اسیران گلشن تھے حاضر وہاں           کچھ سیاسی مہاشے بھی موجود تھے چاند تارے کے پرچم میں لپٹے ہوئے        چاند تارے کے لاشے بھی موجود تھے میرا ہنسنا تو پہلے ہی اک جرم تھا میرا رونا بھی ان کو گوارہ نہیں   کیا فسانہ کہوں ماضی و حال کا                شیر تھا میں بھی اک ارضِ بنگال کا شرق سے غرب تک میری پرواز تھی       ایک شاہین تھا میں ذہنِ اقبال کا ایک بازو پہ اڑتا ہوں میں آج کل دوسرا دشمنوں کو گوارہ نہیں   یوں تو ہونے کو گھر ہے سلامت رہے                کھینچ دی گھر میں دیوار اغیار نے ایک تھے جو کبھی آج دو ہو گئے                     ٹکڑے کر ڈالا دشمن کی تلوار نے گھر بھی دو ہو گئے در بھی دو ہو گئے جیسے کوئی بھی رشتہ ہمارا نہیں   کچھ تمہاری نزاکت کی مجبوریاں            کچھ ہماری شرافت کی مجبوریاں تم نے روکے محبت کے خود راستے           اس طرح ہم میں ہوتی گئیں دوریاں کھول تو دوں میں رازِ محبت مگر تیری رسوائیاں بھی گوارہ نہیں   وہ جو تصویر مجھ کو دکھائی گئی                        میرے خون جگر سے بنائی گئی قوم کی ماں بہنوں کی جو آبرو                        نقشہ ایشیاءمیں سجائی گئی موڑ دو آبرو یا وہ تصویر دو ہم کو حصوں میں بٹنا گوارہ نہیں   پھول لے کر گیا آیا روتا ہوا         بات ایسی ہے کہنے کا یارا نہیں قبر اقبال سے آرہی تھی صدا  یہ چمن مجھ کو آدھا گوارا نہیں